domingo, 18 de março de 2007

Comissão Independente ho Mandatário hato’o sira-nian argumentu ba candidatura Sr.Ir. João Viegas Carrascalão

Iha crise nebe nação doben Timor-Leste hasoru iha tinan hirak ne’e nia laran hodi halo povo lakon rico soi, hela fatin, mate, moris kiak, moras to ohin loron la iha sinal atu hakotu, maibe Timor oan sei moris ho mehi nebe fo esperança ba sira katak terus sira ne’e sei hapara karik ho lideransa ida nebe lori domin, dame, paz no justiça, ne duni eleisaun Presidente da República iha loron 9 fulan Abril ita hein katak ho Maromak nia tulun esperança ne’e sei sai realidade ida hodi Timor oan sira hili tuir democracia ho liberdade ukun nain ida nebe bele fo fila moris diak, halakon terus, hamaran matawen hodi mos moris iha paz, dame, domin no justiça hodi halao sira nia moris nudar criatura iha mundo rai klaran.
Hodi fó atenção ba base legal nebe Estadu halo ona atu fo apoiu ba candidatura Presidencial liu husi lei Nº 7/2006 capitulo II artigo 15º nebe dehan katak candidatura ida sei apresenta hosi ema rihun 5 mínimo ho máximo ema rihun 7,5 e distrito ida mínimo ema 100 nebe ema hotu cidadão ho cartão eleitoral la hare ba partido politico nebe sira representa, neduni ami forma Comissão Independente ida hodi halibur ema hotu-hotu nebe hakarak atu fo apoio ba candidatura Sr.Ir. João Viegas Carrascalão atu sai Presidente da República liu husi analise experiência nebe Candidatu iha tuir mai ne’e:

Moris fatin/loron moris, fulan, tinan
João Viegas Carrascalão moris iha Hatumassin, suco Leotala distrito Liquiça iha loron sanulo resin ida fulan Agosto tinan 1945.

Estudos
Sétimo ano do Liceu hasai iha Dili Liceu Dr Francisco Machado,
Curso de Topografia e Agrimensura iha Angola Luanda,
Curso Cartografia ho fotogrametria iha St Gallen iha Suíça,
Formado iha Geomatic Engeneering iha Sydney Austrália.

Serviço
Agrimensor iha Serviços Obras Públicas iha Timor,
Chefe dos Serviços Geográficos Cadastrais iha Timor,
Director Escola Topografia iha Timor,
Hola parte Secção Permanente Conselho Legislativo iha Timor,
Técnico 1ª classe iha Instituto Tecnologia iha Sydney Austrália,
Professor Praticas iha Faculdade Engenharia Sydney ho Tecnico Responsavel ba laboratório Engenharia Civil iha Austrália,
Ministro das Infra Estruturas iha Governo Transição UNTAET nian,
Chefe bancada UDT iha Assembleia Constituinte RDTL,
Presidente Komite Olimpico Nacional

Política
Hola parte iha organisação ho naran MORELTI Movimento Revolucionário ba Libertação Timor iha tinan 1967 quando sei escola,
Adere ba UDT 1974,
Lidera Movimento 11 de Agosto 1975,
Presidente Conselho Comunidades Portugueses tinan 8 iha Austrália,
Presidente Conselho Superior UDT liu hossi Congresso iha tinan 1993 iha Lisboa,
Reeleito Presidente Conselho Superior UDT liu hossi 2o Congresso iha Perth Austrália,
Reeleito iha 1o Congresso UDT iha Dili to agora hanesan Presidente Conselho Superior UDT,
Coordenador frente diplomatica iha tempu resistencia nian iha estrangeiro,
Dirigente CNRT iha 1998 liu hosi Convenção Peniche,
Iha luta ba Independência tama hamutuk ho Delegação Resistência iha Estrangeiro hodi hola parte iha negociação nebe ONU halo entre Timoroan Pro Independência ho Pro Autonomia,
Participa iha cimeira CPLP iha Cabo Verde,
Participa mos iha encontro Minsitro de Negocios Estrangeiros CPLP iha Brazil.

Família
Kaben ho Sra D. Rosa Maria Ramos Horta Carrascalão iha loron 29 fulan Agosto tinan 1970 (tinan 37 liuba) ho cerimónia casamento hanesan ema católico iha Igreja Imaculada Conceição Balide.
To ohin loron hetan oan nain rua ho beioan nain lima.

Ho experiência nebe ami fo sai ba ita boot sira liu hosi Estudo, Serviço, Política ho Familia konaba Candidatu Sr.Ir. João Viegas Carrascalão.
Hafoin tetu tiha ami to’o conclusão katak nia mos reune condições atu sai Presidente da República hodi aplica experiência nebe nia hetan atu hamenus estuda beibeik hodi lakon tempo atu resolve problemas barak nebe povo hasoro. Ami fiar metin mos katak nia família nebe hari desde tina 37 liu ba sei fo apoio nafatin ba nia mos sei leno experiência moris nu’udar feto Timoroan nebe sarani ba feto maluk Timoroan sira seluk hodi hamutuk fo naroman ba uma kain sira hotu hodi moris tuir dalan nebe Maromak hakarak hodi lori mos ba familia domin no forsa atu hasouru problemas nebe mosu.
Ami Comissão Independente ho Mandatário ba Candidatura tuir democracia fo sai ona imagem ba Timor oan tomak hodi loke odamatan ba se deit atu tetu hodi vota ba candidatu nebe bele ukun ita hodi pronto atu hasoru problemas nasionais ho internasionais hodi mos lori Nação ne atu moris diak ho hakmatek.

Díli, 17 de Março de 2007

Obrigado ba imi nia atenção

Presidente husi Comissão Independente, Benvinda Oliveira

Mandatário Nasional , Nazário Tilman de Andrade

1 comentário:

Timor do nascer do sol disse...

Senhor Nazario Tilman Andrade, Mandataria ba candidatura Sr. Ir. João Carrascalão ho membros sira be hiha Comiss˜åo de apoio ba candidatura:

Hau le ita bot nia declarção, halo contente los. Hau nia laran kaman. Hau hanoin hanessa ita bot sira.
Sr. Ir. João Carrascalão reune condições todan atu sai ita nia Nassaum nia Presidente.

Hau ema Liquiça, cabem ho ema Luis Guterres hussi Bagia, hame nia uma iha dalan Liquiça ba Dili. Mas tamba ami nia rua sei serbissu hiha NGO iha Dili, ami hela sei tur iha Bairo Pite. Hami povo kik , ami cahur ho povo kik. Ami han hamutuk povo kik, ami ba missa hamutuk ho povo kik. Hau hakarak fo liu fuan ida ne hia tetum. Hau sei bele bo iha portugues maske hau hanoin hau fo iha teteum karik hau espressa diak liu.
Wainhir quando labarik laran at sira ne dune ami, suno ami nia uma , ita nia lideransa sira subar iha uma laran. Hau tur ho hau nia banin sira, hau nia hoan rua, Amelia ho Agripina, iha varand hare confusao bot iha dalan, Laron ato mono hona, igreja dere sino tuko nen...de repente hau hare jip ida, mai, hau hanoin ema at sira ne....Lai carreta ne pertence Sr. Ir. João Carrascalão, messac iha carreta laran , nia para nia husso , imi nussa, imi hiha problemas ? Hau hatan lai tio, hami tauk maske problemasa lahia tamba hami tur hakamatec. Hai nia admirassaum né ba nia halo hau hanoin ema baraka hanoin hanessan. Momento ne la akontese dala ida deit. Dala rumo loron ida ami hare nia dala rua, kat hat, ka lima, cnforme. Nia brani, nia considera ami povo kik, nia kolia hatenten katak nia ema ida ne ka ida ne ba, nia la koalia partido, Hau hare nia laran sussar hanoin ami povo kik . Nia la teme nia naran . Mas ke hau nia katuas hatene nia maka hau hatene tio ida ne maka √Sr. Ir. João Carrascalão. Hau nia apoio ba Sr. Ir. João Carrascalão tamba hami kollen ona polliticus sira bot ita hara loron loron hia tvel. Hau baruk sira ona.
Maromac turun imi no ajuda ita niaa kandidato atu sei manan.
Tamba hau servissu NGO hau iha acesso ba internett. Ami simu kurso internet iha east deveilopment agency iha Taibesse.